Welcome to Auster.in, your one-stop destination for high-quality, unframed posters that bring your walls to life. Founded by Bikram Kumar, a passionate WordPress web developer with an eye for design and detail, Auster.in is built to deliver stunning visuals across every genre and mood.
The Auster Story: A Journey of Resilience, Rebirth, and Respect
The Vision & The Hustle (2017)
Doston, meri digital journey 2017 mein ek simple sapne ke saath shuru hui thi: “Kuch apna create karna.” Maine YouTube aur website development ki duniya mein kadam rakha. 3 saal ki din-raat ki mehnat aur coding seekhne ke baad, maine ek aisi community khadi ki jahan lakhon log mujhse jude. Maine ₹10 lakh se zyada ka revenue generate kiya, lekin wo sirf ek shuruaat thi.
The Peak: ‘Mr MovieInsider’ ka Daur
Us dauran maine “Mr MovieInsider” ke naam se ek Telegram page aur Play Store par App launch kiya tha. Maine Sony TV, Zee TV, StarPlus, Marvel aur Netflix jaise bade giants ke content ke saath kaam kiya. Copyright strikes ka pressure tha, par maine sab kuch manage kiya aur bahut naam kamaya. Aaj bhi aapko Telegram par mere brand name se kai duplicate channels mil jayenge aur mera App abhi bhi offline mode mein wahan मौजूद hai. Wo meri shohrat ka peak tha, jahan 5 lakh se zyada log mujhse jude the.
The Shocking Turn & The Hard Lesson
Lekin ek din aisa aaya jab mere paon ke niche se zameen khisak gayi—mera Telegram channel hack ho chuka tha. Wo meri zindagi ka sabse bhayanak pal tha. Meri barson ki mehnat ek pal mein chin gayi. Tab mujhe samajh aaya ki dusron ke content par mahal khada karne se behtar hai ki apni choti si original jhopdi banao, kyunki wo hamesha aapki rahegi. Maine seekha ki Original Content hi asli power hai.
A New Chapter: Fresh Start 2.0
Life mein problems ka aana-jaana laga rahega, lekin waqt ke saath khud ko badalna zaroori hai. Isliye, ab main ek Fresh Start kar raha hoon aur sirf original content par focus kar raha hoon.
- Maine apne purane channel ‘TechnoBikram’ ko naya roop diya hai: The BKFlix.
- ‘BloggingTips4U’ ka naam badal kar ab itsBKTECH kar diya hai. In dono platforms par main apne original brand Auster.in ko saath lekar chalunga.
Beyond the Surface (Ek Gehra Sach)
Doston, ye meri poori story nahi hai. Meri zindagi ke kuch panne bahut gambhir aur khatarnak incidents se bhare hain, jinhe main yahan share karke aapko demotivate nahi karna chahta. Isliye maine sirf wahi baatein share ki hain jo aapko aage badhne ki himmat dein. Ek mashhoor movie ka dialogue hai—“Zindagi lambi nahi, badi aur khoobsurat honi chahiye, Babumoshai!”
Mujhe Aapka Support Chahiye
Maine hamesha koshish ki hai ki apne kaam se aapki thodi bahut help kar sakun. Aaj mujhe aapke support ki zaroorat hai taaki main phir se wo himmat juta saku. Agar aapko mera kaam aur meri mehnat pasand aaye, toh ise apne friends aur family ke saath zaroor share karein. Main apne purane followers ka hamesha dhyan rakhunga.
Bikram ka Paigam
Main kisi ko force nahi karta ki sirf meri hi videos dekho, lekin main ye zaroor kahunga: “Aap bhi apna kuch start kar do.” Bina zyada soche-samjhe shuruat kijiye, baad mein sab samajh aa jata hai. Life aapko sab kuch sikha degi.
Bas aaj mein jiyo, seekhte raho aur karte raho. Aapka Bikram. Love you all. Thanks for supporting! (♥ᴗ♥)